"БҮХНИЙГ ХҮҮХДИЙН ТӨЛӨӨ" УРИАТАЙ НЭГДСЭН ЗӨВЛӨГӨӨН БОЛЛОО
"Дэлхийн хүүхдийн эрхийн өдөр" буюу НҮБ-ын Хүүхдийн эрхийн конвенц батлагдсан өдрийг тохиолдуулан "БҮХНИЙГ ХҮҮХДИЙН ТӨЛӨӨ" уриатай Аймгийн нэгдсэн зөвлөгөөн 2023 оны 11 дүгээр сарын 20-ны өдөр Аймгийн Хөгжимт драмын театр дээр зохион байгуулагдлаа.
Зөвлөгөөнд Цагдаагийн ерөнхий газрын Урьдчилан сэргийлэх газрын дарга, цагдаагийн хурандаа Г.Арсланхуяг, Засгийн газрын хэрэгжүүлэгч агентлаг ГБХЗХГ-н дарга Н.Өлзийхутаг, Хүүхдийн төлөө үндэсний зөвлөлийн гишүүн, ХЭҮК-ын ИНЗ-ийн гишүүн, Хүүхэд хүчирхийлэхийн эсрэг үндэсний хөдөлгөөний Ерөнхий зохицуулагч, Хүүхдийн эрх хамгааллын Үжин төвийг үүсгэн байгуулагч, Хүүхэд хамгаалал, хамтарсан багийн үндэсний сургагч Д.Ундраа, "Дэлхийн Зөн" ОУБ-н Хүүхэд хамгааллын төслийн менежер Д.Лхагвасүрэн нар урилгаар хүрэлцэн ирж, Дорнод аймгийн засаг дарга, Аймгийн ИТХ-ийн дарга, Цагдаагийн газрын дарга зэрэг холбогдох байгууллагын удирдлага нар, сумдын засаг дарга, хэсгийн төлөөлөгч, хамтарсан багийн гишүүд, өсвөрийн улаан загалмайн бүлгэм, скаутын гишүүн сурагчдын төлөөлөл зэрэг 600 гаруй зочид, төлөөлөгчид оролцлоо.
“Бүхнийг хүүхдийн төлөө” уриатай энэхүү зөвлөгөөнд хүүхэд болон хүүхдийн өмнө үүрэг хүлээгчид, эцэг эх асран хамгаалагч, хүүхдийн эрхийг хамгаалан ажилладаг төрийн байгууллагын төлөөллүүд харилцан мэдээ мэдээлэл солилцож, анхаарах асуудлуудыг хөндөж, хэлэлцүүлэг өрнүүлсэнээр Хүүхдийн сайн сайхны төлөөх үр дүнтэй хэд хэдэн төсөл, хөтөлбөрүүдийг цаашид авч хэрэгжүүлэхээр шийдвэрлэсэн нь оролцогчдын нилээдгүй талархлыг хүлээсэн байна.
"ᠪᠦᢈᠦᠨ ᠢ᠋ ᢈᠡᠦᢈᠡᠳ ᠦ᠋ᠨ ᠲᠥᠯᠦᢉᠡ" ᠤᠷᠢᠶᠠ ᠲᠠᠢ ᠨᠢᢉᠡᠳᠦᢉᠰᠡᠨ ᠵᠥᠪᠯᠡᢉᠡᠨ ᠪᠣᠯᠤᠯᠤᠭᠠ᠃
"ᠳᠡᠯᠡᢈᠡᠢ ᠶ᠋ᠢᠨ ᢈᠡᠦᢈᠡᠳ ᠦ᠋ᠨ ᠡᠷᢈᠡ ᠶ᠋ᠢᠨ ᠡᠳᠦᠷ" ᠪᠤᠶᠤ ᠨᠦᠪᠰ ᠶᠤᠨ ᢈᠡᠦᢈᠡᠳ ᠦ᠋ᠨ ᠡᠷᢈᠡ ᠶ᠋ᠢᠨ ᠻᠣᠨᠸᠧᠨᠼ ᠪᠠᠲᠤᠯᠠᠭᠳᠠᠭᠰᠠᠨ ᠡᠳᠦᠷ ᠢ᠋ ᠲᠣᢈᠢᠶᠠᠯᠳᠤᠭᠤᠯᠤᠨ "ᠪᠦᢈᠦᠨ ᠢ᠋ ᢈᠡᠦᢈᠡᠳ ᠦ᠋ᠨ ᠲᠥᠯᠦᢉᠡ" ᠤᠷᠢᠶᠠ ᠲᠠᠢ ᠠᠶᠢᠮᠠᠭ ᠤ᠋ᠨ ᠨᠢᢉᠡᠳᠦᢉᠰᠡᠨ ᠵᠥᠪᠯᠡᢉᠡᠨ ᠒᠐᠒᠓ ᠣᠨ ᠤ᠋ ᠑᠑ ᠳᠦᢉᠡᠷ ᠰᠠᠷᠠ ᠶ᠋ᠢᠨ ᠒᠐ ᠨ ᠤ᠋ ᠡᠳᠦᠷ ᠠᠶᠢᠮᠠᠭ ᠤ᠋ᠨ ᢈᠥᢉᠵᠢᠮᠲᠦ ᠳ᠋ᠷᠠᠮᠠ ᠶ᠋ᠢᠨ ᠲᠢᠶᠠᠲ᠋ᠷ ᠳᠡᢉᠡᠷᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃
ᠵᠥᠪᠯᠡᢉᠡᠨ ᠳ᠋ᠦ ᠴᠠᠭᠳᠠᠭᠠ ᠶ᠋ᠢᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠤ᠋ᠨ ᠤᠷᠢᠳᠴᠢᠯᠠᠨ ᠰᠡᠷᢉᠡᠶᠢᠯᠡᢈᠦ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ᠂ ᠴᠠᠭᠳᠠᠭᠠ ᠶ᠋ᠢᠨ ᠬᠤᠷᠠᠩᠳᠠ ᠭ᠃ᠠᠷᠰᠯᠠᠩᠬᠤᠶᠠᠭ᠂ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᢈᠡᠷᠡᢉᠵᠢᢉᠦᠯᠦᢉᠴᠢ ᠠᢉᠧᠨᠲ᠋ᠯᠢᠭ ᢉᠦᠪᢈᠢᠵᠠᠭ ᠨᠠᠭᠤᠯᠠᠭ ᠴᠤ ᠠᢉᠧᠨᠲ᠋ᠯᠢᠭ ᢉᠦᠪᢈᠢᠵᠠᠭ ᠳᠠᠷᠤᠭᠠ ᠨ᠃ᠥᠯᠵᠡᠶᠢᠬᠤᠲᠤᠭ᠂ ᢈᠡᠦᢈᠡᠳ ᠦ᠋ᠨ ᠲᠥᠯᠦᢉᠡ ᠦᠨᠳᠦᠰᠦᠨ ᠦ᠋ ᠵᠥᠪᠯᠡᠯ ᠦ᠋ᠨ ᢉᠡᠰᠢᢉᠦᠨ᠂ ᢈᠡᠦᠻ ᠆ ᠢᠨᠽᠠ ᠶ᠋ᠢᠨ ᢉᠡᠰᠢᢉᠦᠨ᠂ ᢈᠡᠦᢈᠡᠳ ᢈᠦᠴᠦᠷᢈᠡᠶᠢᠯᠡᢈᠦ ᠶ᠋ᠢᠨ ᠡᠰᠡᠷᢉᠦ ᠦᠨᠳᠦᠰᠦᠨ ᠦ᠋ ᢈᠥᠳᠡᠯᢉᠡᢉᠡᠨ ᠦ᠋ ᠶᠡᠷᠦᠩᢈᠡᠢ ᠵᠣᢈᠢᠴᠠᠭᠤᠯᠤᠭᠴᠢ᠂ ᢈᠡᠦᢈᠡᠳ ᠦ᠋ᠨ ᠡᠷᢈᠡ ᠬᠠᠮᠠᠭᠠᠯᠠᠯ ᠤ᠋ᠨ ᠦᠵᠢᠨ ᠲᠥᠪ ᠢ᠋ ᠡᢉᠦᠰᢈᠡᠨ ᠪᠠᠶᠢᠭᠤᠯᠤᠭᠴᠢ᠂ ᢈᠡᠦᢈᠡᠳ ᠬᠠᠮᠠᠭᠠᠯᠠᠯ᠂ ᠬᠠᠮᠲᠤᠷᠠᠭᠰᠠᠨ ᠪᠠᠭ ᠤ᠋ᠨ ᠦᠨᠳᠦᠰᠦᠨ ᠦ᠋ ᠰᠤᠷᠭᠠᠭᠴᠢ ᠳ᠃ᠤᠨᠳᠤᠷᠤᠭᠠ᠂ "ᠳᠡᠯᠡᢈᠡᠢ ᠶ᠋ᠢᠨ ᠵᠥᠩ" ᠣᠪᠤ᠂ᠨ ᢈᠡᠦᢈᠡᠳ ᠬᠠᠮᠠᠭᠠᠯᠠᠯ ᠤ᠋ᠨ ᠲᠥᠰᠦᠯ ᠦ᠋ᠨ ᠮᠧᠨᠧᠵᠧᠷ ᠳ᠃ᡀᠠᠭᠪᠠᠰᠦ᠋ᠷᠦᠩ ᠨᠠᠷ ᠤᠷᠢᠯᠭᠠ ᠪᠠᠷ ᢈᠦᠷᠦᠯᠴᠡᠨ ᠢᠷᠡᠵᠦ᠂ ᠳᠣᠷᠤᠨᠠᠳᠤ ᠠᠶᠢᠮᠠᠭ ᠤ᠋ᠨ ᠵᠠᠰᠠᠭ ᠳᠠᠷᠤᠭᠠ᠂ ᠠᠶᠢᠮᠠᠭ ᠤ᠋ᠨ ᠢᠲ᠋ᢈᠡ ᠶᠢᠨ ᠳᠠᠷᠤᠭᠠ᠂ ᠴᠠᠭᠳᠠᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠵᠡᠷᢉᠡ ᠬᠣᠯᠪᠤᠭᠳᠠᠬᠤ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠨᠠᠷᠠ᠂ ᠰᠤᠮᠤᠳ ᠤ᠋ᠨ ᠵᠠᠰᠠᠭ ᠳᠠᠷᠤᠭᠠ᠂ ᢈᠡᠰᠡᢉ ᠦ᠋ᠨ ᠲᠥᠯᠦᢉᠡᠯᠡᢉᠴᠢ᠂ ᠬᠠᠮᠲᠤᠷᠠᠭᠰᠠᠨ ᠪᠠᠭ ᠤ᠋ᠨ ᢉᠡᠰᠢᢉᠦᠳ᠂ ᠥᠰᠪᠦᠷᠢ ᠶ᠋ᠢᠨ ᠤᠯᠠᠭᠠᠨ ᠵᠠᠭᠠᠯᠮᠠᠢ ᠶ᠋ᠢᠨ ᠪᠦᠯᢉᠦᠮ᠂ ᠰᠻᠠᠦᠲ ᠤ᠋ᠨ ᢉᠡᠰᠢᢉᠦᠨ ᠰᠤᠷᠤᠭᠴᠢᠳ ᠤ᠋ᠨ ᠲᠥᠯᠦᢉᠡᠯᠡᠯ ᠵᠡᠷᢉᠡ ᠖᠐᠐ ᠭᠠᠷᠤᠢ ᠵᠣᠴᠢᠳ᠂ ᠲᠥᠯᠦᢉᠡᠯᠡᢉᠴᠢᠳ ᠣᠷᠤᠯᠴᠠᠯᠠ᠃
“ᠪᠦᢈᠦᠨ ᠢ᠋ ᢈᠡᠦᢈᠡᠳ ᠦ᠋ᠨ ᠲᠥᠯᠦᢉᠡ” ᠤᠷᠢᠶᠠᠲᠠᠢ ᠡᠨᠡ ᢈᠦ ᠵᠥᠪᠯᠡᢉᠡᠨ ᠳ᠋ᠦ ᢈᠡᠦᢈᠡᠳ ᠪᠣᠯᠤᠨ ᢈᠡᠦᢈᠡᠳ ᠦ᠋ᠨ ᠡᠮᠦᠨᠡ ᠡᢉᠦᠷᢉᠡ ᢈᠦᠯᠢᠶᠡᢉᠴᠢᠳ᠂ ᠡᠴᠢᢉᠡ ᠡᢈᠡ ᠠᠰᠠᠷᠠᠨ ᠬᠠᠮᠠᠭᠠᠯᠠᠭᠴᠢ᠂ ᢈᠡᠦᢈᠡᠳ ᠦ᠋ᠨ ᠡᠷᢈᠡ ᠶ᠋ᠢ ᠬᠠᠮᠠᠭᠠᠯᠠᠨ ᠠᠵᠢᠯᠯᠠᠳᠠᠭ ᠲᠥᠷᠦ ᠶ᠋ᠢᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠲᠥᠯᠦᢉᠡᠯᠡᠯ ᠦ᠋ᠳ ᠬᠠᠷᠢᠯᠴᠠᠨ ᠮᠡᠳᠡᢉᠡ ᠮᠡᠳᠡᢉᠡᠯᠡᠯ ᠰᠣᠯᠢᠯᠴᠠᠵᠤ᠂ ᠠᠩᠬᠠᠷᠬᠤ ᠠᠰᠠᠭᠤᠳᠠᠯ ᠤ᠋ᠳ ᠢ᠋ ᢈᠥᠨᠳᠡᠵᠦ᠂ ᢈᠡᠯᠡᠯᠴᠡᢉᠦᠯᢉᠡ ᠥᠷᠨᠢᢉᠦᠯᠦᢉᠰᠡᠨ ᠢ᠋ᠶᠡᠷ ᢈᠡᠦᢈᠡᠳ ᠦ᠋ᠨ ᠰᠠᠶᠢᠨ ᠰᠠᠶᠢᠬᠠᠨ ᠤ᠋ ᠲᠥᠯᠦᢉᠡᢈᠦ ᠦᠷᠡ ᠳ᠋ᠦᠩᠲᠡᠢ ᢈᠡᠳᠦ ᢈᠡᠳᠦᠨ ᠲᠥᠰᠦᠯ᠂ ᢈᠥᠲᠦᠯᠪᠦᠷᠢ ᠨᠦ᠋ᢉᠦᠳ ᠢ᠋ ᠴᠠᠭᠠᠰᠢᠳᠠ ᠠᠪᠴᠤ ᢈᠡᠷᠡᢉᠵᠢᢉᠦᠯᢈᠦ ᠪᠡᠷ ᠰᠢᠶᠢᠳᠪᠦᠷᠢᠯᠡᢉᠰᠡᠨ ᠨᠢ ᠣᠷᠤᠯᠴᠠᠭᠴᠢᠳ ᠤ᠋ᠨ ᠨᠢᠯᠢᠶᠡᠳ ᠦᢉᠡᠢ ᠲᠠᠯᠠᠷᠬᠠᠯ ᠢ᠋ ᢈᠦᠯᠢᠶᠡᢉᠰᠡᠨ ᠪᠠᠶᠢᠨᠠ᠃